سوتو بزنس

الطلب والدفع من الطاولة

بدون باركود. من طاولته، يطلب ويدفع.

زبونك جالس في مطعمك؟ يفتح صفحتك في سوتو، ويبدأ يطلب ويدفع من جواله، وطلبه يجيه على طاولته. لا يدوّر على باركود، ولا ينتظر أحد يجيب له المنيو. واللي ما عنده سوتو، يطلب من نفس النظام بالباركود.

مطاعمكوفيهات
الطلب والدفع من الطاولة في تطبيق سوتو

ليش تحتاجه

المشكلة اللي نحلها.

  • الزبون ينتظر المنيو، ثم ينتظر ياخذون طلبه، ثم ينتظر الفاتورة.
  • الزبون يدوّر على الباركود، ويحمّل صفحة، ويكتب بياناته من جديد.
  • أخطاء نقل الطلب من الورقة للنظام، والطاولات تتأخر تفضى وقت الذروة.

كيف يشتغل

ثلاث خطوات.

  1. يفتح صفحتك

    سوتو يعرف إنه داخل مطعمك من موقعه، بدون باركود.

  2. يطلب ويدفع

    من جواله، والطلب يوصل لنظام مطاعم صتماتيك والمطبخ مباشرة.

  3. يوصله على طاولته

    الطلب يجيه على طاولته، ويطلب زيادة وقت ما يبي.

الترابط

من جوال زبونك إلى فاتورتك، بدون إدخال مرتين.

  1. 01موقع الزبونداخل مطعمك
  2. 02تطبيق سوتوالطلب والدفع
  3. 03نظام مطاعم صتماتيكاستقبال وتحضير
  4. 04على طاولتهوالفاتورة شاملة الضريبة

وش فيه

التفاصيل اللي تفرق.

بدون باركود مع سوتو

ميزة خاصة لمستخدمي سوتو: يطلب من مكانه مباشرة.

وبالباركود للجميع

اللي ما عنده سوتو يطلب من نفس النظام بباركود الطاولة.

على طاولته

المطبخ يعرف وين يوصّل الطلب.

طلبات إضافية

يزيد على طلبه من نفس المكان.

دفع من الجوال

تفضى الطاولة أسرع.

مدعومة من صتماتيك

صتماتيك للمطاعم

كاشير سحابي، وشاشة مطبخ، وإدارة طاولات ومخزون وتوصيل. ولها موقع كامل يشرح النظام بالتفصيل.

اقرأ المزيد (يفتح موقعًا آخر)

أسئلة شائعة

والزبون اللي ما عنده سوتو؟

نفس نظام الطلب من الطاولة متاح له بباركود على الطاولة، والطلب يوصل لنفس المطبخ. ومستخدم سوتو يطلب بدون باركود.

كيف يعرف سوتو إن الزبون داخل مطعمي؟

من موقعه. لما يكون داخل مطعمك، تفتح له خدمة الطلب من الطاولة في صفحتك.

أحتاج نظام مطاعم صتماتيك؟

نبدأ به لأنه مربوط مباشرة. وأنظمة أخرى تنضاف بعد اختبار ربطها.

النادل يبقى له دور؟

نعم، يتفرغ للخدمة والضيافة بدل نقل الطلبات.

يقدرون يقسمون الفاتورة؟

كل شخص يقدر يدفع من جواله حسب ما يتيحه إعدادك.

خلّنا نجهّزها لمكانك.

فعّل مكانك الحين، أو اترك لنا رقمك وفريقنا يتواصل معك.