سوتو بزنس

متجر سوتو

نقطة بيع جديدة. جمهور جديد. ووصول أوسع.

افتح محلك في سوتو، وخلّ منتجاتك توصل لناس يكتشفون الأماكن حولهم كل يوم. يتصفحون، ويطلبون، ويدفعون داخل سوتو، وكل طلب يوصلك في لوحة وحدة تجهّزه منها وتسلّمه لزبونك.

داخل تطبيق سوتوبحساب الزبون في سوتودفع داخل سوتو

مثال توضيحي لمتجر داخل صفحة محل في سوتو

بوابة انطلاق جديدة

كل باب تفتحه لمحلك، يدخل منه جمهور جديد.

المحلات اللي تكبر ما تنتظر الزبون في مكان واحد. توزّع حضورها، وتفتح لكل جمهور بابه. وكل قناة تبيع منها اليوم لها ناسها. سوتو باب جديد لناس يدوّرون الحين على مكان قريب يشترون منه، وما وصلوا لك قبل.

نقطة بيع جديدة

منتجاتك معروضة ومتاحة للطلب داخل تطبيق سوتو، جنب محلك على الخريطة.

جمهور جديد

ناس يكتشفون الأماكن حولهم في نبض المدينة، ويشوفون محلك من قصص أصحابهم وتوصياتهم.

وصول جديد

رابط منتجك يتشارك في الواتساب والحسابات، ويفتح داخل سوتو مباشرة.

لوحة وحدة لطلباتك

كل طلب يوصلك مدفوع في لوحة التاجر، تجهّزه منها وتسلّمه لزبونك.

تجربة الزبون

يتصفح، يختار، ويدفع بدون مفاجآت.

الزبون داخل سوتو مسجّل أصلًا، فاسمه وجواله جاهزين عند الدفع. ما يحتاج يسجّل مرة ثانية.

  • تصفح وبحث — الأقسام والبحث بلغة الزبون، والترتيب حسب السعر أو التوفر، ومشاركة أي منتج مع الأهل والأصحاب.
  • سلة صادقة — إذا خلص صنف أو تغيّر سعره، تنبّهه السلة. ولكل متجر سلته، فما تختلط طلبات محلين.
  • دفع يكتمل — المخزون ينفحص وينحجز قبل الدفع، والإجمالي يظهر نهائي. وإذا حاول شخصين يشترون آخر قطعة، ينجح طلب واحد فقط.
  • بعد الطلب — رقم طلب وتأكيد وفاتورة ضريبية، ومتابعة حالة الطلب، وإعادة نفس الطلب بضغطة.

داخل سوتو

باب واحد: سوتو.

متجرك في سوتو يعيش في صفحة محلك، وكل طلباته تمر من نفس المكان. هذا يخلي الزبون يثق، ويخليك تعرف مين يطلب منك.

من الخريطة لصفحة محلك

الزبون يلقى محلك على الخريطة، يفتح صفحتك، ويضغط «المتجر الإلكتروني». لغته وبياناته تنتقل معه.

رابط تشاركه

شارك رابط منتج أو متجرك في واتساب أو حساباتك. الرابط يفتح داخل سوتو، واللي ما عنده التطبيق يوصله لتحميله.

لوحة التاجر

أدِر متجرك من نفس لوحتك.

المتجر داخل لوحة التاجر في سوتو بزنس، ومرتبط بأنظمة صتماتيك. وكل موظف يشوف اللي تسمح له صلاحيته.

المنتجات والمظهر

أسماء وصور ووصف باللغتين، وحتى ثلاث خيارات مثل المقاس واللون. جرّب الشكل قبل النشر، وارجع لأي نسخة سابقة.

المخزون

عدّ المخزون داخل المتجر، أو اربطه بمستودع صتماتيك. الأصناف تنحجز وقت الطلب، وطلبات التجربة ما تدخل في المبيعات.

الطلبات

كل طلب يوصلك مدفوع، برقمه وحالته من لحظة وصوله إلى التسليم، وفريقك يشتغل من شاشة وحدة.

أرقام تطابق الطلبات

الضريبة على الفاتورة، وكشف مبالغ يطابق الطلبات، والتقارير توصلك لين الطلب اللي سوّى الرقم.

لمين

لكل محل تجاري.

أي محل يبيع منتجات يقدر يفتح متجره في سوتو. وكل فرع له متجره وسلته. هذي أمثلة جهّزنا لها صفحات:

الورد والهداياالعطور والبخورالعبايات والأزياءالإلكترونيات والجوالاتالحلويات والتمورالساعات والنظاراتمستلزمات البيتالألعابالكتب والقرطاسيةالعناية والتجميل

البداية

خطوات قصيرة وتبدأ.

المتجر ما يظهر للزبائن إلا بعد ما تكمل الخطوات المطلوبة. وتقدر تطلع وترجع، والشاشة توضّح لك وش باقي.

  1. عرّف متجرك

    الاسم باللغتين، والشعار، وجوال الفرع وعنوانه، والرقم الضريبي إذا نشاطك مسجّل.

  2. الدفع والتسليم

    أكمل بيانات استلام مبالغك، وحدّد طريقة تسليم الطلبات. والدفع يتم داخل سوتو.

  3. أضف منتجاتك

    اختر المظهر وانشر منتج واحد على الأقل. وإذا كان اشتراك سوتو بزنس فعّال للفرع، يبدأ المتجر يستقبل الطلبات.

أسئلة عن متجر سوتو

أي محل يقدر ينضم لمتجر سوتو؟

كل محل تجاري يبيع منتجات: الورد والهدايا، والعطور، والأزياء، والإلكترونيات، والحلويات، ومستلزمات البيت، وغيرها.

عندي قنوات بيع اليوم، هل يتعارض معها؟

لا. متجر سوتو قناة تضيفها لقنواتك، بجمهورها الخاص. وكل طلب منها يوصلك في لوحة التاجر.

كيف يدفع الزبون؟

يدفع داخل سوتو قبل تأكيد الطلب، فكل طلب يوصلك مدفوع.

وين توصلني الطلبات؟

في لوحة التاجر، مرتبة برقمها وحالتها، تجهّزها منها وتسلّمها لزبونك.

هل يناسب المطاعم والكوفيهات؟

المطاعم والكوفيهات لها الطلب المسبق والطلب من الطاولة المرتبطة بنظام مطاعم صتماتيك. ومتجر سوتو للمحلات اللي تبيع منتجات.

أقدر أشارك منتج في الواتساب؟

نعم. الرابط يفتح داخل سوتو، واللي ما عنده التطبيق يوصله لتحميله.

خلّ زبونك يطلب من محلك.

سجّل نشاطك في سوتو بزنس، وفعّل المتجر من لوحة التاجر.